इब्राहिमोविचं सन्यास काल

एजेन्सी- एसी मिलानया कासामि ज्लाटन इब्राहिमोभिचं संन्यास कायेगु घोषणा याःगु दु । स्विडेनया कासामि इब्राहिमोभिचं इटालियन ‘सिरी ए’य् जूगु एसी मिलानया अन्तिम कासा म्हितेधुंकाः संन्यास काःगु खः ।

इब्राहिमोभिच पिएसजी, म्याचेस्टर युनाइटेड, इन्टर मिलान व एसी मिलानं म्हितेधुंकूम्ह कासामि खः । थ्व प्यंगू क्लबपाखें इब्राहिमोभिचं मुक्क ५११ गू गोल याःगु दु । इब्राहिमोभिचं प्यंगू देशय् लिग म्हिताः १४ गू लिग उपाधि त्याकूगु दुसा मुक्कं ३४ गू उपाधि त्याकूगु दु ।

इब्राहिमोभिचं स्विडेनया निंतिं १२२ गू कासा म्हिताः ६२ गोल याःगु दु । व स्विडेनया निंतिं दकलय् अप्वः गोल याःम्ह कासामि नं खः ।

इब्राहिमोभिचं आइतवाः म्हितूगु अन्तिम कासाय् एसी मिलानं भेरोनायात ३–१ गोलं बुकूगु खः । कासाय् मिलानया निंतिं राफेल लिओं निगू व ओलिभर जेरुडं छगू गोल याःगु खः । भेरोनाया डेभिड फारानीं छगू गोल याःगु खः ।

सम्बन्धित बुखँ

LEAVE YOUR COMMENTS