म्युजिक भिडियो तारेमाम–ज्वज्वलपा

येँ(नेपालभाषा टाइम्स)- नेवाः समाजय् छम्हं मेम्हेसित नाप लाइगु इलय् संबोधन याइगु ‘तारेमाम–ज्वज्वलपा’ खँग्वःयात कयाः हालातःगु म्येँया म्युजिक भिडियो पिहां वःगु दु । वंगु शनिवाः जूगु छगू ज्याझ्वःया पुलांम्ह राज्यमन्त्री रामवीर मानन्धरं उगु म्युजिक भिडियो सार्वजनिक यानादीगु खः ।

संगीतकारलिसें म्युजिक एरेन्जर अञ्जन श्रेष्ठ व संचारकःमि सुरेन्द्र मानन्धरं च्वयादीगु म्येँया म्युजिक भिडियोया छाँयाकन प्रशान्त अधिकारी व निर्देशन डेनी श्रेष्ठं यानादीगु खः ।

म्युजिक भिडियोय् किरण जोशीलिसें थिमि ख्वपया आपालं कलाकारं अभिनय दुथ्यानाच्वंगु दु । ज्याझ्वलय् वरिष्ठ संगीतकःमि जुजुकाजी रंजित, सिने पत्रकार विजयरत्न असंबरे, संगीतकार श्रेष्ठं नुगःखँ तयादीगु खः ।