मदनकृष्णया छय्या सफू पिदन

येँ (नेपालभाषा टाइम्स)- ख्यालि जुजु मदनकृष्ण श्रेष्ठया छय् साहित्य सिर्जनाय् सक्रिय जुयादीगु दु । वय्कःया छय् मय्जु ग्रीष्मा श्रेष्ठं च्वयादीगु कविता सफू म्हिगः छगू ज्याझ्वःया दथुइ विमोचन जुल । ग्रीष्मां थःगु साहित्यिक नां धाःसा हिलाः ‘डीग्रीनरे’ धकाः तयादीगु दु ।

वय्कलं अंग्रेजी भासं च्वयादीगु कविता सफू ‘दी पार्टिकुलर मार्श’ थ्वहे साहित्यिक नामं प्रकाशन जूगु खः । काठमाडौं पब्लिकेशनं पिकाःगु उगु सफू म्हिगः मदनकृष्ण श्रेष्ठ लगायत थीथी व्यक्तिपिंसं मंकाः कथं विमोचन यानादीगु खः ।

ज्याझ्वलय् कविता सफूयात कयाः महेश पौडेल, अनुराधा व डा. जगदिशलाल वैद्यं समिक्षा यानादीगु खः । ज्याझ्वःया सञ्चालन यमन श्रेष्ठं यानादीगु खः ।