नेपाली क्रिकेट टिमयात भव्य लसकुस

येँ– नेपाःयात एकदिवसीय क्रिकेटय् मान्यता बीकेत सफल नेपाःया राष्ट्रिय क्रिकेट कासामिपिंत थौं बहनी त्रिभुवन अन्तर्राष्ट्रिय विमानस्थलय् भव्य रुपं लसकुस याःगु दु । जिम्बाबेय् जूगु विश्वकप छनोट कासाय् झिंखुगू थासय् लाःसां थ्व पालय् नेपाः एकदिवसीय क्रिकेट मान्यता चूलाकेत ताःलाःगु खः । आः नेपाःयात प्यदँ तक एकदिवसीय क्रिकेटय् मान्यता दइ ।

नेपाली क्रिकेट कासामिपिंत नवनियुक्त युवा तथा खेलकूद मन्त्री जगतबहादुर सुनुवारं विमानस्थलय् वनाः लसकुस याःगु खः ।
विमानस्थलय् संक्षिप्त प्रतिक्रिया बिसें नेपाली टिमया कप्तान पारस खड्कां सकसियां मेहनतं एकदिवसीय मान्यता कायेत ताःलाःगु धासें आःया म्हगस विश्वकप जुइ धयादीगु दु ।