मच्छेनारायण मेलाय् २४ लाख थ्यन

येँ (नेपालभाषा टाइम्स)- थुगुसी अनलाया पुरुषोत्तम मास लछियंकं चन्द्रागिरि नगरपालिकास्थित मच्छेनारायण द्यःया मेलाय् २४ लाखम्ह भक्तजन थ्यंगु खँ धाःगु दु । चन्द्रागिरि नगरपालिकाया वडा ९ पाखें बिउगु जानकारी कथं थुगुसी २० म्ह मनू थ्यनी धकाः अनुमान याःगु खःसां नेपाःया थीथी जिल्लायापिं समेत यानाः २४ म्ह मनू थ्यंगु खः । थ्व आः तकया हे दकलय् अप्वः जूगु खँ नं धाःगु दु ।

थुगुसी मच्छेनारायण द्यःया मेलाय् पसः तःवःपिं होटल व्यवसायीतय्सं यक्व यक्व ध्यबा कयाः नसात्वँसा मिउगु खँय् विवाद पिहां वःगु खः । थुकियात नं नगरपालिकां छानबिन यायेगु खँ धाःगु दु । मच्छेनारायणया मेला म्हीग क्वचाःगु खः ।