प्राचीन तुं उत्खनन् याइगु

येँ (नेपालभाषा टाइम्स)÷लुम्बिनी लागाया निपनिया दानव खुसि सिथय् लुया वःगु प्राचीन तुं व मेमेगु पुरातात्विक संरचना संरक्षण यायेगु लागिं लुम्बिनी विकास कोषं पलाः न्ह्याकूगु दु । आः नकतिनि लुम्बिनी विकास कोषया सदस्य सचिव सानुराजा शाक्यया नेतृत्वय् वंगु छगू पुचलं उगु थाय्या अध्ययन यासें खुसि लानाच्वंगु उगु प्राचीन तुंया उत्खनन् यायेगु खँ धाःगु दु ।

खुसि सिथय् लानाच्वंगु उगु संरचना खुसिं चुइकाः धमाधम भारतपाखे यंकाच्वंगु खनेदुगुलिं उकी तुरुन्त हे उत्खनन् यानाः पुरातात्विक ज्वलं संरक्षण यायेमाःगु खँ नं सदस्यसचिव शाक्यं कनादिल । निरीक्षण पुचलय् कोष लिसें पुरातत्व विभागया विज्ञत नं दुथ्याःगु खः ।

नेपालभाषा टाइम्स

च्वमिया मेमेगु

• जुगि जातया आवासया समस्या
• मेलम्चीया लः वइगु अझं अनिश्चित
• बँ पसः तयेके हे मबीगु बालेनया अडान
• फणीन्द्रयात सिद्धिदास सिरपाः
• इहिपा ज्याझ्वलय् मिं नयाः सछिम्ह मल्याकं सित