नेवाः गुथि खलः हेटौंडाया न्हूगु ज्यासना पुचः

येँ(नेपालभाषा टाइम्स)- नेवाः गुथि खलः हेटौंडाया न्हापांगु वार्षिक भेला वंगु शनिवाः जुल । हटौंडा उपमहानगरपालिका ११ य् च्वंगु खलःया न्हापांगु वार्षिक भेलां खलःया न्हूगु ज्यासना पुचः नं नीस्वंगु खः ।
भेलां शर्मिला श्रेष्ठया अध्यक्षताय् गुम्हेसिया न्हूगु ज्यासना पुचः ल्यःगु खः । न्हूगु ज्यासना पुचलय् श्याम श्रेष्ठ न्वकु, नन्दलाल श्रेष्ठ छ्याञ्जे, रामेश्वर नगरकोटी लिउ छ्याञ्जे व मीरा श्रेष्ठयात दांभरिंलय् ल्यःगु दु ।
अथे हे दुजलय् राजु श्रेष्ठ, इशा श्रेष्ठ, लक्ष्मी चित्रकार व चन्द्रकिरण श्रेष्ठ च्वनादीगु दु ।

हेटौंडा उपमहानगरपालिका ११ वडाअध्यक्ष जुना दाहालया प्रमुख आतिथ्यताय् जूगु न्हापांगु वार्षिक भेलाय् नेवाः गुथि खलः मकवानपुरया निम्ह न्वकुपिं विष्णुलाल श्रेष्ठ व मेनका श्रेष्ठ, नेवाः सांस्कृतिक पुचःया छ्याञ्जे सुमित्रा वजाचार्य, नेवाः गुथि खलः हेटौंडा नगरया नायः विकेशलाल श्रेष्ठ विशेष पाहांकथं झायादीगु खः ।

ज्याझ्वलय् नेवाः गुथि खलः मकवानपुरया नायः देवकुमार श्रेष्ठ, नेवाः गुथि खलः हेटौंडाया सल्लाहकारपिं भीम श्रेष्ठ, फूलमान श्रेष्ठ व हस्तलाल श्रेष्ठ पाहांकथं झायादीगु खः ।