बौद्ध च्वमि डिआर शाक्य मंत

ख्वप (नेपालभाषा टाइम्स) – बौद्ध च्वमि धर्मरत्न शाक्य ६१ दँया उमेरय् मंत । डीआर शाक्य ‘ऋषि’या नामं आपालं बौद्ध च्वसु च्वयादीम्ह वय्कः सोमवाः मदुगु खः ।

वंगु निदँ न्ह्यवनिसें पक्षघात थेंज्याःगु ल्वचं कयाच्वंम्ह वय्कलं ‘सन्ध्या टाइम्स’ न्हिपतिइ बुद्धधर्म सम्बन्धी च्वसु च्वयादीगु वापत निक्वःतक पंचवीर सिंह सिरपाः नं त्याकादीधुंकूगु दु । युवा बौद्ध पुचःया संस्थापकलिसें थौंकन्हय् नायः जुयाच्वनादीम्ह वय्कः आपालं बौद्ध संघसंस्थाय् सक्रिय जुयाच्वनादीम्ह खः । प्रदर्शनय् वयेगु तयारी जुयाच्वंगु बौद्ध बाखंया लिधंसाय् निर्माण जूगु संकिपा ‘घोषक’या नं वय्कः च्वमि खः ।

मदुम्ह वय्कःया जहानलिसें काय छम्ह व म्ह्याय् छम्ह दी । वय्कःया अन्त्येष्ठि सोमवाः हे जुइधुंकूगु दु ।

सम्बन्धित बुखँ

LEAVE YOUR COMMENTS