झिंस्वसः कर्मचारीयात कारवाही यायेत सिफारिस

येँ – राष्ट्रिय सतर्कता केन्द्रं झिंनिसः स्वयां अप्वः कर्मचारीयात कारवाहीया निंतिं सिफारिस याःगु दु । केन्द्रं १,२४० कर्मचारीयात कारवाहीया निंतिं सिफारिस याःगु खः । केन्द्रं २८ गू जिल्लाया ४५० गू सरकारी ज्याकुथिइ छड्के अनुगमन याःगु इलय् १,२४० कर्मचारीयात कारवाहीया निंतिं सिफारिस यानागु केन्द्रया प्रवक्ता विष्णुराज लामिछानें कनादिल ।

छड्के अनुगमन याःगु इलय् ज्याकुथिइ इलय् मथ्यंपिं ८९७, क्वःछिनातःगु पोशाक पुनाः ज्याकुथिइ मवःपिं ३४३ कर्मचारीयात कारवाहीया निंतिं सिफारिस यानागु वय्कलं कनादिल । केन्द्रं सम्बन्धित ज्याकूया प्रमुखयात पौ च्वयाः इपिं कर्मचारीयात कारवाहीया निंतिं सिफारिस याःगु खः ।

कर्मचारी सतर्कता केन्द्रं नियमित रुपं धइथें सरकारी ज्याकूया छड्के अनुगमन याना वयाच्वंगु दु । उकथं छड्केय् लाःपिंत कारवाहीया निंतिं सिफारिस यायेगु नं याना वयाच्वंगु दु । केन्द्रं थगुने जक सरकारी ज्याकुथिइ छड्के अनुगमन यानाः २,३७७ कर्मचारीयात कारवाहीया निंतिं सिफारिस याःगु खः ।