महानगरया दक्वं ब्वनेकुथिइ नर्सिङ सेवा

येँ  (नेपालभाषा टाइम्स)- येँ महानगरपालिकां वइगु आर्थिक दँ निसें दक्वं सामुदायिक विद्यालयय् नर्सिङ सेवा उपलब्ध याकीगु जूगु दु । येँ महानगरपालिकां स्वीनिगुलिं वडाय् स्वास्थ्य प्रवद्र्धन केन्द्र संचालन यानाः सामुदायिक विद्यालयय् नर्सिङ सेवा उपलब्ध याकेत्यंगु खः ।

महानगरया शिक्षा विभागयाकथं वडाय् स्वास्थ्य प्रवद्र्धन केन्द्र संचालन यायेगु व उगु हे केन्द्रपाखें ८९ गुलिं विद्यालयय् वइगु आर्थिक दँनिसें उगु सेवा उपलब्ध याकेत्यंगु खः ।

विभागया प्रमुख सीताराम कोइरालां आपाः विद्यार्थी दुगु विद्यालयय् छम्ह नर्स व म्हो विद्यार्थी दगुु विद्यालयय् वडापाखें सेवा उपलब्ध याकेकथंया तयारी जुयाच्वंगु जानकारी बियादीगु दु ।

थौंकन्हय् नीति तथा कार्यक्रम तयार यायेगुलिइ व्यस्त जुयाच्वंगु महानगरं नीति तथा कार्यक्रमय् हे थुकियात नं दुथ्याकाः कार्यान्वयनय् हयेगु तयार याःगु खः ।

सम्बन्धित बुखँ

LEAVE YOUR COMMENTS