सम्पादक सल्लाहकार महर्जनयात दबूया भिंतुना

येँ (नपालभाषा टाइम्स)- गोरखापत्र संस्थानय् सल्लाहकार सम्पादकय् नियुक्त जुयादीम्ह उपेश महर्जनयात नेवाः पत्रकार राष्ट्रिय दबुलिं भिंतुना देछागु दु । बिहिवाः वय्कःया कार्यकक्ष वनाः पत्रकार दबूया पदाधकारीपिंसं खादा न्ययेकाः भिंतुना देछाःगु खः ।

दबूया पत्रकारतलिसे खँ ल्हासें नवनियुक्त सल्लाहकार सम्पादक महर्जनं आदिवासी जनजातिया कायमचा गोरखापत्रय् थुगु पदतक थ्यंकेफुगु धयागु थम्हं तःधंगु उपलब्धी तायेकागु धयादिसें थःम्ह संस्थानय् खनेदइकथं परिवर्तन वइगु ज्या यायेगु खँ धयादिल ।

अथेहे वय्कलं गोरखापत्रपाखें पिथना वयाच्वंगु थीथी मातृभाषाया पृष्ठयात अझ परिष्टकृत यायेगु निंतिं छु गज्याःगु ज्या यायेमाली उकिया सुझाव बीत दबूया पदाधिकारीपंत इनाप यानादिल ।

नवनियुक्त सम्पादक सल्लाहकार महर्जनयात भिंतुना देछासें दबूया केन्द्रीय अध्यक्ष नृपेन्द्रलाल श्रेष्ठं मातृभाषा पत्रकारिता सुरु जूगु सछिदँ क्यनेत्यंगु लसताय् दबूपाखें शताब्दी दँ हनेत्यंगु खँ न्ह्यथँसें थुकी गोरखापत्र संस्थानपाखें ग्वाहालि जुइगु आशा प्वंकादिल ।