वसन्त ऋतुया न्हापांगु शो

येँ – नेपालभाषाया न्हूगु संकिपा ‘वसन्त ऋतु’या न्हापांगु च्यारिटी शो थौं जुल । येँया राष्ट्रिय नाचघर जमलय् थांै सुथय् ११ बजे न्हापांगु शो जूगु खःसा २ बजे मेगु शो जुयाच्वंगु दु ।

वरिष्ठ संकिपाकःमि पवन जोशीं निर्देशन यानादीगु थ्व संकिपा धुँदेय् प्रोडक्सन पाखें दयेकूगु खः । संकिपाया च्वमि नं निर्देशक जोशी हे खः ।

संकिपाय् राजेन्द्र कुमार महर्जन, शोभा महर्जन, किशोर चिपालु, अनु महर्जन, लक्ष्मीकुमार महर्जन, सुशील महर्जनपिनि मू भूमिका दु । संकिपाया छाँयाकन व सम्पादन राजेश शाक्यं यानादीगु दु । अथेहे गुह्य मालाकार व अनिल तुलाधरया संगीत दुगु संकिपाय् राजेन्द्र महर्जनं द्वन्द्व निर्देशन, अनु महर्जनं नृत्य निर्देशन यानादीगु दु ।