‘सम्मानित महिनावारी ः झीगु प्रतिबद्धता’ विषयय् चिनाखँ धेंधेंबल्लाः
येँ(नेपालभाषा टाइम्स)- जनचिकित्सालय न्ह्यःखा, डेजर गल्र्स नेपाल व रोटरी क्लब अफ स्वयम्भू डिष्ट्रिक ३२९२ या मंकाः ग्वसालय् १० क्वःगु अन्तर्राष्ट्रिय महिनावारी स्वच्छता दिवसया झ्वलय् जन चिकित्सालयय् अन्तर स्कुल ‘सम्मानित महिनावारीइ ः झीगु प्रतिबद्धता’ विषययय् चिनाखँ च्वयेगु नापं ब्वनेगु धेंधेंबल्लाः जुल ।
श्री प्रभात मा.वि, भानु मा।वि., कन्यामन्दिर मा.वि., जगतसुन्दर ब्वनेकुथि, काठमाडौं मोडेल स्कुलया ८ व ९ कक्षा विद्यार्थीपिंसं ब्वति काःगु उगु कासाय् नेपालभाषा चिनाखँय् खुशी सिंह ठकुरी उत्कृष्ट जूगु खःसा अथे हे नेपाली भाषाय् छसिकथं श्रीजना श्रेष्ठ, बसन्ती बुढा व नविना रायमाझीपिं उत्कृष्ट जुइत ताःलाःगु खः ।
जनचिकित्सालयया अध्यक्ष विमला मानन्धरया सभापतित्वय् जूगु उगु ज्याझ्वलय् धेंधेंबल्लाखय् ताःलाःपिं व ब्वति काःपिं सकलसित मूपाहां येँ महानगरपालिकाया उपप्रमुख सुनिता डंगोलं दसिपौ नापं सिरपाः लःल्हानादीगु खः ।
अथे ज्याझ्वलय् मूपाहां सुनिता डंगोल, डेजर गल्र्स नेपालया कार्यकारी निर्देशक मायादेवी खाइतु, रोटरी क्लब अफ स्वयम्भू डिष्ट्रिक ३२९२ या अध्यक्ष दिनेशप्रसाद श्रेष्ठ, नेपाल गर्भवती महिला तथा नवजात शिशु सेवाया कोषाध्यक्ष मिना शर्र्माापंसं थःथःगु नुगः तयादीगु खःसा धेंधेंबल्लाःया निर्णायक भूमिका नेपालभाषा टाइम्सया सम्पादक सुरेश मानन्धरं यानादीगु खः ।
LEAVE YOUR COMMENTS