किपूया बुंगद्यः विवाद बारे कन्हय् हानं सहलह

किपू(नेपालभाषा टाइम्स)÷थनया प्यंगः थामय् पलिस्था याःम्ह बुंगद्यःया मूर्ति अनं लिकायेधुंकाः आः उकियात छु यायेगु धइगु बारे कन्हय् बिहीवाः किपुलिइ सक्रिय राजनीतिक दलया प्रतिनिधि समेत च्वनाः अन्तिम निर्णय याइगु जूगु दु । थाैं किपू नगरपालिकाय् च्वंगु मुँज्यां छुं क्वःछी मफुगु खः । थाैं जूगु मुँज्याय् किपुया लिसें येँ, यल, जःला सम्पदाप्रेमीतय् नं उपस्थिति दुगु खः ।

किपुलिइ बुंगद्यःया स्वां तयेत शुक्रवाः पांजुपिं वनेमाःगु खः । प्यंगथामय् पलिस्था याःगु मूर्ति छु यायेगु धयागु बारे निर्णय मजूनिगुलिं पांजुपिं वनी मवनी धयागु सीमदुनि । पांजुपिंसं प्यंगथामं लिकागु मूर्ति गुथि संस्थानयात लित बीमाः धयाच्वंगु दु ।

बुंगद्या भाेटाे जात्रा वइगु जेठ ८ गते जुइ । भाेटाे जात्राया प्यन्हु न्ह्यः किपुया याकःमिसायाथाय् स्वां तःवनेगु चलन दु ।