कामपां ५० हजार छेँजःयात राहत वितरण
येँ – येँ महानगरपालिकां लकडाउनया इलय् थ्यंमथ्यं ५० हजार छेँजःयात राहत इनेगु ज्या याःगु दु ।
कोरोना भाइरसया कारणं देय् छगूलिं लकडाउन जुयाच्वंगु इलय् नगरवासीतय् सुविधाया निंतिं फुक्क वडाय् राहत इनेगु ज्या याःगु खः । कामपां बिउगु जानकारी कथं शनिवाः तक ४९ हजार ८ सय ८५ छेँजःयात अज्याःगु राहत इनेगु ज्याः यायेधुंकूगु दु ।
अज्याःगु राहत कामपाया आन्तरिक स्रोत व दाताया स्रोत मार्फत इनेगु ज्या जूगु खः । कामपाया स्रोतपोखं ३१ हजार ५ सय ७५ व दताया स्रोत मार्फत १८ हजार ३ सय १० छेँजःयात राहत वितरण याःगु खः ।
LEAVE YOUR COMMENTS