दक्षिणकालीइ बुद्धजयन्ती समारोह समिति

येँ(नेपालभाषा टाइम्स)( दक्षिणकाली नगरपालिकां स्थानीय तहपाखें हे स्वांयाःपुन्हि हनीगु जूगु दु । नगरपालिकां २५६७ क्वःगु स्वांयाःपुन्हि हनेत छगू नगरस्तीय बुद्धजयन्ती मूल समारोह समिति गठन याःगु दु ।

नगरपालिकाया आः नकतिनि च्वंगु छगू बैठकं थुगुसी स्थानीय तहपाखें हे विशेष रुपं स्वांयाःपुन्हि हनेगु निर्णय याःगु खः । बैशाख २२ गते स्वांयाःपुन्हि तःजिक हनेत मूला समारोह समिति गठन याःगु खः ।

नगरपालिकां बिउगु जानकारीकथं मूल समारोह समितिइ नगरपालिकाया वर्तमान व पुलांपिं जनप्रतिनिधि, कर्मचारी, नगर दुनेया थीथी धार्मिक संघसंस्थाया प्रतिनिधि, स्थानीय प्रतिष्ठित व अगुवायात दुजःकथं दुथ्याकूगु दु ।

बुद्ध पुजा, भगवान बुद्धया जीवनी व वसपोलं बियाबिज्याःगु शिक्षाया बारे प्रवचन ज्याझ्वः यानाः स्वांयाःपुन्हि हनेगु नगरपालिकां जानकारी बिउगु दु ।