मिटरब्याज पीडित दथुइ कचवं

येँ (नेपालभाषा टाइम्स)- सरकार व मिटरब्याज पीडित दथुइ जूगु सहमतिया विरोध यासें मेगु मिटरब्याजी पीडितत येँय् थ्यंकः वःगु दु । बर्दिबासं झिंछन्हु तक न्यासि वयाः येँय् थ्यंकः वःगु पुचलं सरकारलिसे याःगु सहमति फ्यासु धासें दबाब बीत मधेशया थीथी २० जिल्लाया पीडितत म्हिगः येँय् थ्यंकः वःगु खः ।

सरकारं थःपि माग पूमवंकूतले छेँय् लिहां वनेगु मखु धासें उमिसं म्हिगः उमिसं भद्रकालीइ च्वनाः प्रदर्शन याःगु खः ।

प्रदर्शनया झ्वलय् गुलिखे किसानतय्सं बुँज्या यायेगु सामग्री नं ज्वनाः प्रदर्शन याःगु खः । प्रदर्शनया झ्वलय् ‘जाली तमसुक खारेज या,’ ‘फुक्कं सुदखोरया सम्पत्ति छानविन या,’ किसानया भूमि लित बिउ’ धकाः नारा थ्वयेकूगु खः ।