पुलांपिं कुमारी व गणेश–भैरवया भत्ता वृद्धि

येँ (नेपालभाषा टाइम्स)- पुलांपिं कुमारी माजु व गणेश एवं भैरव द्यः भाजु–पिंत येँ महानगरपालिकां बीगु याना वयाच्वंगु श्रीपद भत्ता अप्वयेकूगु दु । पुलांम्ह कुमारी माजुयात न्हापा लय् १५ द्वः तका श्रीपद भत्ता बीगु यानातःगु खःसा आः उकियात अप्वयेकाः लय् १८ द्वः तका याःगु दु ।

अथे हे पुलांम्ह गणेश व पुलांम्ह भैरवयात न्हापा लय् १२ द्वः तका भत्ता बीगु यानातःगु खःसा आः उकियात थपे यानाः लय् १५ द्वः तका याःगु दु ।

म्हिगः राष्ट्रिय सभागृहस्थित मेयरया ज्याकुथी छगू चीधंगु ज्याझ्वः यासें पुलांपिं कुमारी लिसें गणेश व भैरवयात मेयर बालेन साहं दछिया रकम दुथ्याःगु चेक लःल्हानादीगु खः । ज्याझ्वलय् उपमेयर सुनिता डंगोलं सकसितं लाखामरि लःल्हानादीगु खः । ज्याझ्वलय् दकलय् जिथिम्ह पूर्व कुमारी नानीशोभा शाक्य (९९ दँ) या नं उपस्थिति दुगु खः ।