किपुल्चाया कालिका देगः पुनःनिर्माण

येँ(नेपालभाषा टाइम्स)- चन्द्रागिरि नगरपालिका वडा नं. ५ किसिपिडि किपुल्चाय् च्वंगु कालिका देगःया पुनःनिर्माण क्वचाःगु दु । लिच्छवीकालीन ऐतिहासिक उगु देगः २०७२ सालया विनाशकारी भुखाचं क्षति जूगु खः ।

पुनःनिर्माण क्वचायेवं देगलय् कालिका माईलिसें मेमेपिं द्यःपिं नं प्रतिष्ठापन याःगु खः । उगु देगः चन्द्रागिरि नगरपालिकाया प्रमुख घनश्याम गिरी व पुरातत्व विभागया उपसचिवलिसें देगः जिर्णोद्वार कार्ययोजनाया प्रमुख जयराम श्रेष्ठं मंकाःकथं उलेज्या यानादीगु खः ।

भुखाचं क्षति जूगु उगु देगः पुनःनिर्माणया निंतिं थगुने साउन ८ गते शिलान्यास याःगु खः । देगः पुनःनिर्माणया निंतिं पुरातत्व विभागं प्राविधिक व आर्थिक ग्वाहालि याःगु खःसा चन्द्रागिरि नगरपालिकां नं आर्थिक ग्वाहालि याःगु खः ।

देगः पुनःनिर्माणया निंतिं श्री गणेश भगवती कालिका राज गुथि किसिपिडि, श्री कालिका मन्दिर पुनःनिर्माण सहयोग समिति व किसिपिडिया सकल स्थानीय जनसमुदायया ग्वाहालिं याःगु खः ।