विश्वकप लिग २ नेपाः च्यागू विकेटं बुत

येँ (नेपालभाषा टाइम्स)÷ किपूया टियू मैदानय् जुयाच्वंगु नेपाः, नामिबिया व नेदरल्याण्ड्स दथुइया त्रिकोणात्मक सिरिजया अन्तिम कासाय् नेपाः पराजित जूगु दु । आइतवाः जूगु कासाय् नेपाःयात नेदरल्याण्ड्सं च्यागू विकेटं बुकूगु खः । सिरिजय् नेपाःया थ्व स्वंगूगु पराजय खः । नेपाः नामिबियालिसे जूगु निगुलिं कासाय् पराजित जूगु खःसा छगुलिइ नेदरल्याण्ड्सयात बुकूगु खः ।

कासाय् टस बुनाः न्हापां ब्याटिङ याःगु नेपाः ४९.३ ओभरय् १७२ रन दयेकाः अलआउट जूगु खः । कासाय् नेपाःया निंतिं कुशल भुर्तेलं दकलय् अप्व ६६ रन दयेकूगु खः । अथेहे करन केसीं २६ रन, आरिफ शेखं २२ रन, कप्तान रोहित पौडेलं १६ रन दयेकूगु खः । मेपिं कासामितय्सं धाःसा निगू अंकया रनतकं दयेकेमफुत । नेदरल्याण्ड्सया निंतिं विवियन किग्मा व आर्यन दत्तं स्वंगू स्वंगू विकेट काःगु खः ।

नेपालं बिउगु १७३ रनया लक्ष्य नेदरल्याण्ड्सं ३७.५ ओभरय् निगू विकेटया क्षतिइ पूवंकूगु खः । नेदरल्याण्ड्सया निंतिं विक्रमजित सिंहं दकलय् अप्वः अविजित ५८ रन दयेकूगु खः । नेपाःया निंतिं दिपेन्द्रसिंह ऐरी व ललित राजवंशी छगू छगू विकेट काःगु खः ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु