फ्रान्स पेनाल्टि सुटआउटय् पराजित, स्वीट्जरल्यान्ड क्वार्टरफाइनलय्

येँ – विश्व च्याम्पियन फ्रान्सयात पेनाल्टि सुटआउटय् पराजित यासें स्वीट्जरल्यान्ड युराे कपया क्वार्टरफाइनलय् दुहां वंगु दु । फ्रान्सया सुपरस्टार केलिएन एम्बाप्पेा अन्तिम पेनाल्टी  असफल जुइवं विश्व च्याम्पियन ५-४ गाेलं पराजित जूगु खः । स्वीट्जरल्यान्डयात क्वार्टरफाइनलय् यंकेगु निंतिं गाेलकिपर याना साेमर नायक जुल । साेमर एम्बाप्पेया अन्तिम पेनाल्टि पनाबिउगु खः ।

थ्वयां न्ह्यः जूगु नियमित इया कासा ३–३ गाेलया बराबरी व एस्क्ट्रा इया कासाय् निगुलिं टीमं गाेल याये मफयेवं कासा पेनाल्टि सुटअाउटय् वंगु खः ।

न्हापांगु हाफय् छगू गाेलं लिउने लाःगु फ्रान्सं लिपांगु हाफय् निगू गाेलं न्ह्यःने लायेधुंकूगु खःसां स्वीट्जरल्यान्डं अन्तिम मिनेटय् गाेल यासें नियमित ९० मिनेटय् ३–३ गाेलया बराबरी याःगु खः । स्वीट्जरल्यान्डया निंतिं सेफाेराेभिचं कासाया १५ अाैं मिनेटय्याःर गाेल यानाः अग्रता बिउगु खःसा ८१ अाैं मिनेटय् थप छगू गाेल याःगु खः । गाभ्रानाेभिकं ९० अाैं मिनेटय् गाेल यासें कासा बराबरीइ हयाबिउगु खः ।

फ्रान्सया निंतिं करिम बेन्जमां निगू गाेल यातसा पाउलाे पाेग्बां छगू गाेल याःगु खः । बेन्जमाया थुगुसीया युराेकपय् थ्व प्यंगू गाेल खः । बेन्जमाया गाेल पाेचुर्गलया क्रिस्टियानाे राेनाल्डाे स्वयां छगू गाेल जक म्हाे दु । राेनाल्डाें थुगुसीया युराे कपय् न्यागू गाेल याःगु दु ।

स्वीट्जरल्यान्डया निंतिं कासाया १५ अाैं मिनेटय् सेफाेराेभिचं गाेल यासें अग्रता बिउगु खः । थ्व लिपा स्वीट्जरल्यान्डया निंतिं पेनाल्टिया ह्वःताः नं वःगु खः, तर कासाया ५५ अाैं मिनेटय् रिकार्डाे राेड्रिगेजं थ्वाःगु पेनाल्टि फ्रान्सया गाेलकिपर ह्युगाे लाेरिसं पनाबिउगु खः ।

थ्व लिपा बेन्जिमां निगू मिनेटया दुने निगू गाेल यानाबिउगु खः । कासाया ५७ व ५९ अाैं मिनेटय् बेन्जमां गाेल याःगु खः । फ्रान्सया निंतिं थप छगू गाेल पाउलाे पाेग्बां कासाया ७५ अाैं मिनेटय् यात । पाेग्बाया गाेल लिपा निगू गाेलं न्ह्यःने लाःगु फ्रान्सविरूद्ध सेफाेराेभिच व गाभ्रानाेभिकं गाेल यानाः कासा बराबरीइ हयाबिउगु खः ।

थ्व लिपा थप याःगु ३० मिनेटया दुने निगुलिं टिमं गाेल याये मफयेवं कासा पेनाल्टि सुटअाउटय् वंगु खः ।

 

मारियाे गाब्रानाेभिच, फाबिन स्चेर

पाउलाे पाेग्बा, अालिभर गियाेर्ड Marcus Thuram Presnel Kimpemb

Fabian Schar Manuel Akanji Ruben VargasAdmir Mehmedi

सम्बन्धित बुखँ

LEAVE YOUR COMMENTS