शान्ति शिक्षा मन्दिरय् भाषासेवी मानन्धरया झ्वाता
येँ(नेपालभाषा टाइम्स)÷येँ महानगरपालिका वडा नं. १७ थँहितिइ च्वंगु पुलांगु शैक्षिक संस्था शान्ति शिक्षा मन्दिरय् मदुम्ह लक्ष्मीदास मानन्धरया झ्वाता पलिस्था याःगु दु । वंगु शुक्रवाः भाषासेवी, शिक्षा सेवी, समाजसेवीलिसें उद्योगी व राजनीतिज्ञकथं म्हसिउम्ह मदुम्ह मानन्धरया अर्धकदया झ्वाता पलिस्था याःगु खः ।
मदुम्ह मानन्धरं उगु ब्वनेकुथि पलिस्था यायेत यानादीगु योगदानया कदर यासें शान्ति शिक्षा मन्दिर ७३ दँ क्यंगु लसताय् विद्यालय परिसरय् वय्कःया झ्वाता पलिस्था याःगु खः । येँ महानगरपालिकाया प्रमुख बालेन शाहं उगु झ्वाताया अनावरण यानादीगु खः ।
ब्वनेकुथि ७३ दँ क्यंगु लसताय् जूगु ज्याझ्वलय् ब्वनेकुथिया पुलांम्ह विद्यार्थीलिसें इतिहासविद् व पुलांम्ह डीन डा. त्रिरत्न मानन्धर विशेषकथं हनेज्या याःगु खःसा ब्वनेकुथियात थीथीकथं ग्वाहालि यानादीपिं व दातापिंत प्रधानाध्यापक सुदामप्रसाद गौतम हनापौ देछानादीगु खः ।
मदुम्ह भाषा सेवी मानन्धरं ताःईतक उगु ब्वनेकुथिया विद्यालय व्यवस्थापन समितिया नायः जुयाः ज्या यानादीगु खः ।
LEAVE YOUR COMMENTS