प्रेस स्वतन्त्रता दिवसय् र्‍याली व सभा

येँ – विश्व प्रेस स्वतन्त्रता दिवस नेपालय् नं थीथी ज्याझ्वःयासें हन । नेपाल पत्रकार महासंघया आह्वानय् जूगु जुलुस व सभाय् ख्वप, येँ व यलया पत्रकारतय्गु व्यापक सहभागिता दुगु खः । ‘शक्तिया निगरानीइ मिडिया : न्याय व विधिया शासन’ धइगु नारालिसें थीथी ब्यानर व बाजं सहित पिदंगु जुलुस माइतीघर मण्डलां बानेश्वर थ्यंकाः क्वचायेकूगु खः ।

र्‍याली लिपा महासंघया केन्द्रीय अध्यक्ष गोविन्द आचार्यं पत्रकारतय्सं थःगु कर्तब्य पूवंकाः जक राज्यपाखें छुं आशा यायेगु बांलाइ धयादिल ।

ज्याझ्वः सुरु जुइ स्वयां न्ह्यः नकतिनि जक अफगानिस्तानय् च्याम्ह पत्रकारतय्त आतंकवादी संगठन स्याना बिउगुया बिरोध यासें मदुपिं पत्रकारतय् लुमन्तिइ छगू मिनेट मौन धारण नं याःगु खः । संयुक्त राष्ट्र संघया सांस्कृतिक तथा बैज्ञानिक शाखा युनेस्कोपाखें दँय्दसं मे ३ तारिखकुन्हु विश्व प्रेस स्वतन्त्रता दिवस हनेगु याना वयाच्वंगु दु ।

सम्बन्धित बुखँ

LEAVE YOUR COMMENTS