ने. सं. ११४६ पाेहेलागा द्वादशी - घ्यः चाकु संल्हु / ख्वपय् सम्यक

यलं नं ब्रुमर न्याइगु

यल – यल महानगरपालिकां फोहोर व्यवस्थापन यायेत जनशक्ति व उपकरण थपे याइगु जूगु दु । महानगरपालिका जुइधुंकाः थुकी न्यागू गाविस थपे जूगुलिं जनशक्ति व उपकरण नं थपे यायेत्यंगु खः । आः न्हूपिं नीप्यम्ह कर्मचारी थपे यायेत्यंगु खँ यल मनपाया प्रवक्ता राजु महर्जनं कनादीगु दु ।

वय्कःया कथं फोहोर ल्ह्ययेगु निंतिं यल मनपां च्यागः न्हूगु गाडी व ब्रुमर न्यायेगु योजना नं दयेकाच्वंगु दु । नगर क्षेत्रय् जनसंख्या लिसें फोहोर अप्वयाः वनाच्वंगुलिं जनशक्ति थपे यायेत्यनागु खँ वय्कलं कनादीगु दु ।वय्कःया कथं लगंख्यः, जावलाख्यः, पूच्व, कुपण्डो लगायतया क्षेत्रय् फोहोरया समस्या अप्वयाच्वंगु दु । यल महानगरपालिकां नुवाकोटया सिसडोलय् हे फोहोर व्यवस्थापन यायेगु याना वयाच्वंगु दु ।