कांग्रेसयात सत्ता साझेदारीया प्रस्ताव

येँ (नेपालभाषा टाइम्स) – संसद विघटन विरुद्ध मंकाः आन्दोलन व सत्ता सहकार्यया निंतिं नेकपा दाहाल-नेपालया प्रस्तावयात कयाः नेपाली कांग्रेसया सभापति शेरबहादुर देउवां थः सतीपिं नेतात लिसे सहलह ब्याकूगु दु ।

नेपाली कांग्रेसया आपालं नेतात संसद पुनर्स्थापना यायेमाः धकाः आन्दोलनय् वनाच्वंगु खःसां देउवा धाःसा चुनावया तयारीइ वनाच्वंगु झ्वलय्बु धवाः देउवा निवासय् वनाः पुष्पकमल दाहाल व माधव नेपालं आन्दोलन व सत्ता सहकार्यया प्रस्ताव याःगु खः । दाहाल व नेपाल पुचलं थःपिनिगु प्रस्ताव गुलि याकनं सभापति देउवां स्वीकार यात उलि याकनं देशय् खनेदुगु राजनीतिक समस्या ज्यनीगु धासें उकियात तिबः बीत इनाप याःगु खः ।

उगु इलय् देउवां संसद विघटन प्रधानमन्त्रीया असंवैधानिक पलाः जूसां निर्वाचन संवैधानिक जूगु धारणा तयादीगु खः । अथे खःसां थुकिया बारे औपचारिक धारणा पार्टीलिसे सहलह यानाः जक दयेकेगु खँ देउवां धाःगु दु। कांग्रेसया प्रवक्ता विश्वप्रकाश शर्मां धाःसा आः वइगु माघ ६ गते कांग्रेसया केन्द्रीय कमिटीया बैठक लिपा जक कांग्रेसया धारणा वइ धाःगु दु ।

सम्बन्धित बुखँ

LEAVE YOUR COMMENTS