संस्कृतिकःमि शरद डंगोल मंत
येँ (नेपालभाषा टाइम्स)÷श्री आकाश भैरव नाथ गुथिया नायः लिसें नांजाःम्ह समाजसेवी व भाषासेवी शरद कुमार डंगोल (बिष्णुविर) मंत ।
शनिवाः छाती स्यात धाःगुलिं वय्कःयात गंगालाल हृदय रोग केन्द्र यंकूगु खःसा अन वासः याकुयाकुं हे म्हीग चान्हय् ११ बजे वय्कः मदुगु खँ छेँजःपिंसं धाःगु दु । म्हिगः हे थनया लुतिइ वय्कःया अन्तिम संस्कार नं सिधयेकूगु दु ।
वय्कः इन्द्रजात्रा व्यवस्थापन समितिया वरिष्ठ उपाध्यक्ष जुयाः ज्या याना च्वनादीम्ह खःसा वंघःया आजुद्यः सम्बन्धी थीथी समिति व गुथिइ नं पदाधिकारी जुयाः सेवा याना वयाच्वनादीम्ह खः ।
थगुने तिनि वय्कःया लुमंति मुना सफू ‘संगालो सूत्र’ पिहां वःगु खःसा मेगु सफू ‘ज्यापु समाजया न्ह्यलुवापिं’ तयार जुयाच्वंगु दु । ७४ दँ दुम्ह वय्कःया जहान लिसें म्ह्याय् छम्ह व काय छम्ह दी ।
LEAVE YOUR COMMENTS