राष्ट्रपतिया चुनाव फागुनय्

येँ (नेपालभाषा टाइम्स)÷निर्वाचन आयोगया प्रमुख निर्वाचन आयुक्त दिनेश थपलियां न्हूम्ह राष्ट्रपति व उपराष्ट्रपतिया निर्वाचन वइगु फागुनय् यायेगु तयारी जुयाच्वंगु खँ कनादीगु दु ।

राष्ट्रपति विद्यादेवी भण्डारी व उपराष्ट्रपति नन्दबहादुुर पुनया कार्यकाल फागुनं क्वचायेत्यंगुलिं फागुनय् हे निगुलिं पदया निर्वाचन यायेफइगु खँ धयादीगु खः । वय्कलं राजनीतिक दलतय् दथुइ सहमति जुल धाःसा राष्ट्रपति व उपराष्ट्रपति निर्वाचन फागुनय् जुइ धासें राष्ट्रिय सभाया छम्ह दुजःया निर्वाचन यायेमाःगु खँ नं धयादीगु दु । थुगुसी राष्ट्रपति पदय् एमाले व उपराष्ट्रपति पदय् माओवादीया भागबन्डा जुइधुंकूगु दु ।

राष्ट्रिय सभाया दुजः खिमलाल भट्टराईं राजीनामा बियादीगु जुयाः राष्ट्रियसभा दुजःया निर्वाचन यायेमाःगु खः ।

नेपालभाषा टाइम्स

च्वमिया मेमेगु

• ख्वनाया रुद्रायणी देगः बजेट अभावं अलपत्र
• असोज १३ निसें नोट हिले दइगु
• तोखाया धर्म संस्कृति सम्बन्धी सफू
• यःसिं हनुमानध्वाखा थ्यन
• देय दबूया स्वीक्वःगु बुसादँ हन