ने. सं. ११४६ अनलाथ्व पुन्हि -

भिक्षु अश्वघोष व विपेन्द्रया लुमन्तिइ गुणानुस्मरण सभा

येँ – युवा बौद्ध समूहया ग्वसालय् समूहया धम्मानुशासकलिसें मदुम्ह श्रद्धेय संघनायक भिक्षु अश्वघोष महास्थविर व सल्लाहकार नापं ज्यापु महागुथिया संस्थापक नायः विपेन्द्रप्रकाश महर्जनया लमुन्तिइ गुणानुस्मरण सभा जुल ।संघाराम विहारय् जूगु ज्याझ्वः दिवंगतद्वयया किपाय् स्वां देछासें न्ह्याःगु खः ।

विहारया प्रमुख श्रद्धेय भिक्षु उपतिस्स महास्थविरपाखें शीलप्रार्थनालिसें मंकाः बुद्ध पुजा व परित्राण पाठ याना बिज्याःगु खः । ज्याझ्वलय् मदुपिनिगु व्यक्तित्व नापं बुद्ध शासनया ख्यलय् बियादीगु योगदानयात कयाः समूहया सल्लाहकार डा. केशवमान शाक्य, ज्यापु महागुथि, नेपाःया नायः राजभाई जकःमि, नानीमैया नकःमि, धर्मोदय सभाया महासचिव सागरमान वज्राचार्य, शान्तरत्न शाक्य, डा. त्रिरत्न मानन्धरं नुगःखँ तयादीगु खः । ज्याझ्वः युवा बौद्ध समूहया नायः तेजनारायण मानन्धरया सभापतित्वय् जूगु खः ।