पेजथ्रीया सेलिब्रिटी फुटसल

येँ(नेपालभाषा टाइम्स)÷ईलोहं प्रकाशनया पिथना नेपालभाषाया रंगीन बाःछि पौ पेजथ्रीया ग्वसालय् ‘स्वक्वःगु पेजथ्री सेलिब्रिटी फुटसल–११४३’ जुल । वंगु शनिवाः थनया पकनाजोलय् च्वंगु कुमारी फुटसलय् नेपालभाषाया नांजाःपिं कलाकार, पत्रकारलिसें थीथी व्यक्तित्वपिनिगु सहभागिता दुगु खः ।

फुटसलय् सहभागि मिजं कासामिपिंत ह्याउँगु, म्हासुगु, वाउँगु व वँचुगु टिमय् व मिसातय्त म्हाससुगु व ह्याउँगु यानाः निगू टिमय् ब्वथलाः कासा म्हितकूगु खः । फुटसल कासाया संयोजक दर्शनवीर शाक्यं न्हूदँ नेपाल संवत् ११४३, कतारय् जुयाच्वंगु विश्वकप फुटबललिसें कलाकारतय् स्वास्थ्यय् ध्यान बीगु खँयात दुथ्याकाः उकथंया कासा यानागु जानकारी बियादीगु खः । कासाया झ्वलय् नयाँ बजारय् च्वंगु करुणा सिटी क्लिनिकया ग्वाहालिइ कलाकारतय् स्वास्थ्य स्थितियात कयाः परीक्षण नं याःगु खः ।

फुटसल कासाय् रामकृष्ण खड्गी, रवि साय्मि, किशोर चिपालु, जेम्स प्रधान, नील शाक्य, अनुपसिंह सुवाल, राजु मानन्धर, सुरेन्द्र मानन्धर, सजिव शाक्य, बाबुकाजी जल्मी, राजेन्द्र डंगोल, राजी महर्जन, फिरोज राजोपाध्याय, सज्जु मानन्धर, विजयमान सिंह मिसा कलाकारय् सुनिता ठाकुर श्रेष्ठ, लसता जोशी, रोजी डंगोल श्रेष्ठ, रत्नशोभा महर्जन, मनरा प्रजापति, रोजिना सुवाल, आराध्यलक्ष्मी खड्गी, कल्पना वज्राचार्य लगायतया सहभागिता दुगु खः ।

फुटसल कासाया ग्वसाः खलः व प्रायोजक दथुइ नं कासा जूगु खःसा ब्वति कयादीपिं सकसितं न्हूजः गुथिया नायः सुरबहादुर श्रेष्ठं पदक लःल्हानादीगु खः ।

सम्बन्धित बुखँ

LEAVE YOUR COMMENTS