श्री दिगुख्यःगुथिया सहकारीया दँमुँज्या व न्हूधाः

येँ(नेपालभाषा टाइम्स)÷श्री दिगुख्यः बचत तथा ऋण सहकारी संस्था लिया झिंप्यक्वःगु दँमुँज्या वंगु शुक्रवाः जुल । थनया पकनाय्ज्वलय् च्वंगु सहकारीया उगु दँमुँज्यां संचालक समितिया न्हू ज्यासना पुचःया नं ल्यज्या याःगु खः ।

श्रीदिगुख्यः गुथिया संरक्षक पुचःया नायः मोतिकाजी तुलाधर मूपाहांकथं झायादीगु ज्याझ्वः संस्थाया संचालक समितिया नायः डा. मदनदास तुलाधरया सभापतित्वय् जूगु खः ।

सभापति तुलाधरपाखें लसकुस नापं संस्थाया प्रतिवेदन न्ह्यब्वयादीगु ज्याझ्वलय् आर्थिक प्रतिवेदन कोषाध्क्ष लक्ष्मीरत्न तुलाधर व लेखा समितिया प्रतिवेदन संयोजक रमेश तुलाधरं न्ह्यब्वयादीगु खः । निगुलिं प्रतिवेदनय् शेयर सदस्यतय् दथुइ व्यापक सहलह यानाः पारित याःगु खः ।

उगु दँमुज्यां सहकारीया न्हूगु संचालक समितिया ज्यासना पुचःया नं ल्यज्या याःगु खः । ल्यज्याकथं न्हूगु संचालक समितिइ नायः डा. मदनदास तुलाधर, न्वकु मोतिकाजी तुलाधर, छ्याञ्जे लक्ष्मी तुलाधर, दांभरिं स्वयम्भूरत्न तुलाधर च्वनादीगु दु ।

अथे हे दुजलय् ई. प्रकाश तुलाधर, विजयरत्न तुलाधर, मय्जु रोहिणी तुलाधर च्वनादीगु दुसा लेखा समितिया संयोजकय् कनकराज तुलाधर दुजलय् प्रविणमान तुलाधर व दिपकरत्न तुलाधर च्वनादीगु दु ।

सम्बन्धित बुखँ

LEAVE YOUR COMMENTS