सुवाल कलेजय् क्रान्तिकारीं तालं ग्वल
येँ (नेपालभाषा टाइम्स)÷ अखिल नेपाल राष्ट्रिय स्वतन्त्र विद्यार्थी युनियन क्रान्तिकारीं ख्वपया सूर्यविनायकय् च्वंगु सुवाल इन्टरनेशनल कलेजय् तालं ग्वया बिउगु दु । युनियनं म्हिगः छगू विज्ञप्ति पिकासें अनं सदांया नितिं तालं ग्वयागु खँ धाःगु दु ।
ख्वपया सूर्यविनायक–१ घतालेय् च्वंगु सुवाल इन्टरनेशनल कलेजं नियामक निकायया अनुमति व सम्बन्धन मकासे विद्यार्थी भर्ना यानाः शुल्क म्हःगु लुइवं अन तालं ग्वयागु खँ धाःगु दु । कलेजं नर्सिङ, फार्मेसी व एचएय् २७० विद्यार्थी भर्ना यानाः शुल्क म्हःगु खः ।
अमेरिकी विश्वविद्यालयपाखें सम्बन्धन कयागु दावी यासें नर्सिङ, फार्मेसी व एचएय् ३०० म्ह विद्याथी भर्ना काःगु व इन्जिनियरिङ लगायतय् भर्नाया नितिं सुचं पिथंगु खः । युनियनं शैक्षिक अपराध जूगुलिं छानविन यानाः पीडित विद्यार्थीपाखें म्हःगु ध्यबा लित बीत व ठगे याःम्ह सुवाल इन्टरनेशनल कलेज नांया संस्थायात बन्द यानाः सञ्चालकपिंत कारबाही यायेत नं माग यानातःगु दु ।
LEAVE YOUR COMMENTS