हस्तकला व्यापार मेला जुइगु

येँ(नेपालभाषा टाइम्स)-नेपाल हस्तकला महासंघया ग्वसालय् थ्व हे मंसिरया लिपांगु वालय् झिंगुक्वःगु हस्तकला व्यापार मेला व १७ क्वःगु हस्तकला प्रतियोगिता जुइगु जूगु दु । महासंघया ग्वसालय् वइगु मंसिर २३ निसें २७ गते तक उगु मेला जुइत्यंगु जानकारी बिउगु दु ।

महासंघं छगू पत्रकार सम्मेलनयासें नेपाल सरकार उद्योग, वाणिज्य व आपूर्ति मन्त्रालय, व्यापार तथा निकासी प्रवद्र्धन केन्द्र व उद्योग वाणिज्य ख्यःया थीथी संघसंस्थाया ग्वाहालि व सहकार्यय् मेला जुइगु जानकारी बिउगु खः ।

थनया होटल हायातय् न्यान्हुयंकं जुइगु हस्तकला व्यापार मेलाय् सत्या स्वयां अप्वः हस्तकला सम्बन्धी थीथी कक्ष दइगु जानकारी महासंघया अध्यक्ष प्रचण्ड शाक्यं पत्रकार सम्मेलनय् बियादीगु दु ।

पत्रकार सम्मेलनय् बिउगु जानकारीकथं मेलाय् फिलगिरि, थ्वज्यामाज्या, पौभाः आदि थीथी स्वंगू विधाया कला प्रदर्शनी नं जुइ । अथे हे मेलाय् । काष्ठ, मैन, प्रस्तर, मूर्तिकला, चाया मूर्ति दयेकेगु नापं ऊन, ढाका, कापःया प्राकृतिक रेशाजन्त वस्तुया कासा नं जुइगु जानकारी बिउगु दु ।

थुकिया नापं हस्तकलाया वरिष्ठ कलाकारपिंत हनेज्या नं याइगु ज्याझ्वः दु ।