१४३६ गः सवारी साधन ज्वनाः होल्डय्
येँ (नेपालभाषा टाइम्स)- म्हिगः मतदान कुन्हु स्वनिगलय् पास मदयेक चले याना वःगु आपालं सवारी साधन ज्वंगु दु । म्हिगः सुथय् ४ बजेनिसें न्हिनय् १ बजे तक स्वनिगःया थीथी थासय् १,४३६ गः सवारी साधन ज्वनाः लँय् हे होल्डय् तःगु खँ उपत्यका ट्राफिक प्रहरी कार्यालयं धाःगु दु ।
सवारी पास मदयेक चले याःगु १३४९ गः निचाः घःचाः व ८७ गः प्यचाः घःचाः दुगु सवारी नियन्त्रणय् कयाः होल्डय् तःगु खः । नियन्त्रणय् काःगु सवारी साधन म्हिगः निर्वाचन क्वचायेधुंकाः ७ बजे लिपा सम्बन्धित सवारी धनीयात जिम्मा बिउगु खः ।
LEAVE YOUR COMMENTS