मन्त्रिमण्डल विस्तार विरुद्ध नं मुद्दा

येँ – मन्त्रिपरिषद पुनर्गठन विरुद्ध सर्वोच्च अदालतय् रिट दर्ता जूगु दु । म्हिगः वरिष्ठ अधिवक्ता दिनेश त्रिपाठी व अधिवक्ता कञ्चनकृष्ण न्यौपानें मंकाः कथं प्रम ओलीं वंगु जेठ २१ गते याःगु मन्त्रिपरिषद् विस्तार असंवैधानिक जूगु दावी यासें रिट दर्ता यानादीगु खः । विश्वासया मत काये मफयेवं काम चलाऊ जुइधुंकूम्ह प्रम ओलीं मन्त्रिपरिषद् विस्तार याःगु ज्या संविधान अःखः जूगुलिं रिट तयेमाःगु खँ वय्कःपिंसं धयादीगु दु ।