यल (नेपालभाषा टाइम्स)÷यल महानगरपालिका वडा नं. २१ य् आः वालय् छन्हु नेवाः वसः पुनाः ज्याकुथिइ ज्या याः वयेगु निर्णय जूगु दु ।
यलया २१ नम्बर वडा थनया ऐतिहासिक लागा ख्वनाय् लाः ।
वंगु न्हूदँ ११४३ निसें आवंलि वडाया वडा अध्यक्ष, वडा सदस्यपिं व कर्मचारीत सकसिनं नेवाः वसः पुनाः ज्याकुथिइ वयेगु धकाः निर्णय याःगु खः । निर्णय लिपा वडा अध्यक्ष रविन्द्र महर्जन लिसें वडा सदस्य व मेपिं कर्मचारीत नं नेवाः वसः पुनाः ज्याकुथिइ वःगु खः ।
वडाया स्थानीय पहिचान ल्यंका तयेगु लागिं वडा कार्यालयं उगु निर्णय याःगु खँ धाःगु दु । थ्व ज्या वालय् छन्हु जक लागू जुइगु खँ नं धाःगु दु ।
सरकारी ज्याकुथिइ कर्मचारीतय्सं पुनीगु बिस्कं हे वसःया व्यवस्था याना तःगु दु ।
LEAVE YOUR COMMENTS