सहकारी पसःया शाखा विस्तार

किपू(नेपालभाषाटाइम्स)- कीर्तिपुर उपभोक्ता सहकारीपाखें संचालित सहकारी पसःया न्हापांगु शाखा थनया चिथू त्वालय् चायेकूगु दु । किपुलिइ दकलय् न्हापां संस्थागत कुतलं चायेकूगु सहकारी पसःया संस्थाया नायः रविन्द्र महर्जन, कीर्तिपुर बहुउद्देश्यीय सहकारी संस्थाया नायः दिलबहादुर महर्जन व संस्थाया ज्याथःम्ह दुजः दानबहादुर श्रेष्ठं मंकाःकथं उलेज्या यानादीगु खः ।

ग्राहकपिंत दंगु भावं, बांलाःगु, सफा खाद्यान्न सामाग्री उपलब्ध याकेगु सहकारी पसःया मू उद्देश्य जूगु संस्थाया नायः महर्जनं कनादिल । तत्कालया निंतिं खाद्य व गैर खाद्य सामाग्री उपलब्ध जुइगु व लिपा बुलुहँु किचेन वेयर, इलेक्ट्रोनिक्सया सामाग्रीया नं तनावनेगु ग्वसाः दुगु वय्कलंं कनादिल ।

किपूया ९ वडा बाहिरी गामय् मुख्य पसः चायेकातःगु सहकारी पसःपाखें किपूया कोर एरियायात सेवा बीगु तातुनाः थुगु शाखा चायेकूगु खः ।