मुख्य व सहायक सतकय् मत जडान

येँ- येँया मुख्य व सहायक सतकय् यानाः झिंन्यासलं मल्याक मत जडान यायेगु ज्या शुरु जूगु दु । येँ महानगरपालिकां ‘मेयर उज्यालो कार्यक्रम’ अन्तर्गत महानगर लागाया मुख्य सहायक सतकय् उकथं मत जडान यायेगु ज्या शुरु याःगु खः । बहनिसिया इलय् नं यात्रु व सवारी साधनयात सहज जुइमा धइगु ल्याखं थगुनिसें हे उकथं मत जडान यायेगु ज्या येँ मनपां याना वयाच्वंगु दु ।

चालु आर्थिक दँया अन्त्य तकया दुने ल्यं दुगु मेमेगु थासय् नं उकथं मत जडान यायेगु येँ मनपाया प्रवक्ता ईश्वरमान डंगोलं कनादिल । थुगु दँया दुने झिंखुसः मत जडान याये सिधयेकेगु अनुमान यानागु वय्कलं धयादिल ।

‘महानगरया सतकय् मत जडान यायेगु नीति तथा कार्यक्रमय् हे दु, उकिया निंतिं बजेट नं विनियोजन यानागु दु’, प्रवक्ता डंगोलं धयादिल, ‘महानगरया मुख्य सतकय् जक मखसे दुनेया लागाय् लाःगु सतकय् नं मत जडान यायेगु जुइ ।’