फोनिजं स्वम्ह पूर्व अध्यक्षयात हन

येँ(नेपालभाषा टाइम्स)÷नेपाल आदिवासी जनजाति पत्रकार महासंघ (फोनिजं) थः स्वम्ह पूर्वअध्यक्षपिंत छगू ज्याझ्वःया दथुइ हंगु दु । फोनिजया २३ औं स्थापना दिवसया लसताय् लाकाः संस्थापक अध्यक्षलिसें निम्ह पूर्व अध्यक्षयात हंगु खः ।

उगु इलय् फोनिजं संस्थापक अध्यक्ष चन्द्रसिंह कुलुङ, पूर्वअध्यक्षद्वय खिम घले व मोहनसिंह लामायात हंगु खः । अथे हे फोनिजं स्थापना दिवसया हे लसताय् प्यम्ह पत्रकारयात नं सम्मान याःगु दु । फोनिजं वरिष्ठ पत्रकार गोपाल देवान, अनिता गुरुङ, राजु चौधरी व अप्सरा समालयात सम्मान याःगु खः । ज्याझ्वलय् वान्तवा राई भाय्या ‘बुङ्खावा’ लय्पौयात नं सम्मान याःगु खः । वय्कःपिंत मूपाहांकथं झायादीम्ह संस्कृति पर्यटन व नागरिक उड्डयनमन्त्री जीवनराम श्रेष्ठं हनापौलिसें म्हतिं नीद्वः तका दां व सम्मान पत्र देछासे सम्मान यानादीगु खः ।

ज्याझ्वलय् नवासें मन्त्री श्रेष्ठं न्हूगु संविधानं आदिवासी जनजातिया आपालं माग संबोधन याःगु दु धासें आः उकिया कार्यान्वयनया निंतिं पत्रकार व संचारमाध्यमं दबाव बीमाःगु आवश्यक जूगु खँ धयादिल । लिसें वय्कलं नेपालय् सलंसः दँ न्ह्यःनिसें दयाच्वंगु विभेदकारी नीतिइ हिउपाः वयाः कानुनतकं संशोधन जुइधुंकूगु अवस्थाय् उकिया कार्यान्वयन जुइ मफुगुलिं अधिकार प्राप्त याये मफयाच्वंगु खः धयादिल ।

ज्याझ्वलय् आदिवासी जनजाति उत्थान राष्ट्रिय प्रतिष्ठानया उपाध्यक्ष गोकुल घर्ती, नेपाल आदिवासी जनजाति महासंघया अध्यक्ष गेल्जेन शेर्पा, पत्रकार महासंघया अध्यक्ष विपुल पोखरेलं नं नुगःखँ तयादीगु खः ।

फोनिजाय अध्यक्ष गजुरधन राईया सभापतित्वय् जूगु ज्याझ्वलय् आदिवासी जनजाति, महिला संघ, नेपाल पे्रस युनियन, पे्रस चौतारी नेपाल, पे्रस सेन्ट नेपाल, समाजवादी पे्रस संगठन, फोनिजया संस्थापक अध्यक्ष थुलुङ निवर्तमान अध्यक्ष दण्ड गुरुङ, वरिष्ठ उपाध्यक्ष लक्की चौधरी लगायतं भिंतुना न्वचु बियादीगु खः ।

नेपालभाषा टाइम्स

च्वमिया मेमेगु

• पहिचानवादी आन्दोलनय् गोलीप्रहार
• विश्वया न्हयाथाय् च्वंसां नेवाःतय्सं थःगु संस्कृतियात म्वाका वयाच्वंगु दु– प्रम दाहाल
• तिलौराकोटयात नं विश्व सम्पदा धलखय् दुथ्याकीगु
• किपुली बुंगद्यःया झ्वाता पलिस्था विवाद ः वार्ता यानाः हे समाधान मालीगु
• ज्वेल्स सहकारीया वृहत् स्वास्थ्य शिविर