
यल – यलया थीथी थासय् च्वंगु अष्टमातृकाया पञ्चबलि सहित पुज्यायेगु ज्या जूगु दु । येँ, यल व ख्वपया भक्तजनपिनि सहभागीताय् लगंख्यःया वटुक भैर व गनेद्यः पुज्या न्ह्याःगु अष्टमातृका पीठ पुजाय् यलया दक्षिणपूर्व दिशाय् लाःगु लगंख्यः थसिख्यःया महालक्ष्मी देवी शक्तिपीठ, दक्षिण दिशा एकान्तकुना स्थित नख्खु खुसिया सिथय् च्वंगु वैष्णवी देवी शक्तिपीठ, दक्षिण पश्चिम दिशा बाग्डोल नख्खु व वागमति संगम स्थलय् लाःगु ब्रम्हायणी देवी शक्तिपीठ, पश्चिम दिशा धोविघाट वागमति सिथय् लाःगु माहेश्वरी देवी शक्तिपीठ, उत्तर पश्चिम दिशा लोंहगल सानेपा अवस्थित इन्द्रायणी देवी शक्तिपीठ, उत्तर दिशा धंतली चाकुपाटय् लाःगु बाराही देवी शक्तिपीठ, उत्तर पूर्व दिशा शंखमूल अवस्थित चामुण्डा देवी शक्तिपीठ व पूर्व दिशा बालकुमारी अवस्थित बालकुमारी देवी शक्तिपीठया तान्त्रिक विधि विधान कथं सम्हय्बजि द्वँ तयाः पञ्चबलि पूजा याःगु खः । तान्त्रिक विधि कथं सम्हय्बजियात पञ्चबलिया रुप परापूर्वकालनिसें नाला वयाच्वंगु दु ।
LEAVE YOUR COMMENTS