मुनि विहारया बुद्ध पुजा

ख्वप(नेपालभाषा टाइम्स)- मुनि विहार दायक सभा ख्वपया ग्वसालय् वंगु सोमवाः थनया तचपाः (दत्तात्रय) त्वालय् सलां गणेद्यःया देगः न्ह्यःने बुद्ध पुजा जुल ।
स्थानीय गुंला धलं व्यवस्थापन समितिया ग्वाहालिइ त्वालय् च्वंगु तसकं पुलांगु प्यंगः चैत्य न्ह्यःने बुद्ध पुजालिसें परित्राण पाठ नं जूगु खः ।

ज्याझ्वलय् विहारया भिक्षु अर्जुनं चैत्य पुजाया महत्वया बारे प्रवचन बियाबिज्याःगु खः ।

विहार दायक सभाया सचिव शिव बालां चैत्य पुजाया बारे नुगःखँ तयादीगु ज्याझ्वलय् दायक सभाया तुल्सीकाजी मानन्धरं लसकुस यानादीगु खःसा ख्वप नपा साविक ३ वडाया पुलांम्ह वडाअध्यक्ष विष्णुबहादुर मानन्धरं सुभाय् देछानादीगु खः ।