विमानस्थलया अन्डर पार्किङ्ग असुरक्षित

येँ – त्रिभुवन अन्तर्राष्ट्रिय विमानस्थलया अन्डर पार्किङ असुरक्षित जूगु खँ धाःगु दु । अन्डर पार्किङ दयेकेगु जिम्मा काःगु रसुवा केडी जेभीं सम्झौता अःखः पार्किङ दयेकूगुलिं पार्किङ असुरक्षित जूगु खः । जेभीं नागरिक उड्डयन प्राधिकरण लिसे याःगु सम्झौता कथं ३७ फिट तजाःगु व्यापारिक भवन दयेकेगु खँ न्ह्यथनातःगु खः ।

तर अन्डर ग्राउन्ड पार्किङ लिसे १५ फिट अप्वयेका भवन दयेकूगु दु । महालेखा परीक्षकया प्रतिवेदन कथं रिभाइज ड्रइङयात प्राधिकरणपाखें पाखे स्वीकृत मयासें भवन दयेकेगु ज्या न्ह्याकूगुलिं गुणस्तरीय पार्किङ मजुइगु खँ धाःगु दु । ठेक्का शर्तय् दुगु संरचना कथं भवन मदयेकुसे बिस्कं कथं भवन दयेकूगुलिं प्राधिकरणयात आर्थिक व गुणस्तरय् गम्भीर लिच्वः लाइगु धासें महालेखां प्राधिकरणयात सचेत याःगु दु ।

कम्पनीं उगु भवन येँ महानगरपालिकापाखें नक्सा पास मयासे दयेकूगु खः । सुइदँ लिपा प्राधिकरणया स्वामित्वय उगु जग्गाया भाडा वार्षिक ७८ लाख तका क्वःछिनातःगु दु । तर इलय् ज्या मजूगुलिं प्राधिकरणं आतक नं बाः वापत वइगु ध्यबा काये फयाच्वंगु मदु ।

सहमति जूगु इलंनिसें बाः पुलेमाःगु खःसां नं ठेकेदारं आःतक बाः पूगु मदुनि । विमानस्थलय् संरचना दयेकेत कम्पनीं २०६७ भदौ १७ गते सहमति काःगु खः । सहमति लिपा नीछलाया दुने दयेकेगु ज्या क्वचायेकेगु धकाः सम्झौता याःसां नं आतक नं सम्झौता कथं ज्या क्वचायेके मफुगु खँ धाःगु दु ।

 

सम्बन्धित बुखँ

LEAVE YOUR COMMENTS