चाँगुनारायणया कलश यात्रा

येँ(नेपालभाषा टाइम्स)- चाँगुनारायणया कलश येँय् हःगु दु । चाँगुनारायणया कलश यात्राया झ्वलय् वंगु छुं दिं न्ह्यः कलश यात्रा याःगु खः । चाँगुनारायणया कलश थीथी लागा जुयाः येँया हनुमानध्वाखास्थित तलेजुइ हःगु खः।

द्वादशिकुन्हु चाँगुनारायणया मूल पुजारी नारांद्यः व निम्ह भँडेलं लक्ष्मी व सरस्वतिया प्रतीक कलश ज्वनाः चाँगुनारायणनिसें जमः तक हःगु खः । चाँगुनारायणं आलापोट, डाँछी, मूलपानी, गोकर्ण, जोरपाटी, चाबही, ज्ञानेश्वर, नंसाः जुयाः जमलय् थ्यंके हःगु खः । जमलय् पुजा सिधयेकाः अनं कमलाछि, असं, वंघः जुयाः हनुमानध्वाखाय् थ्यंकाः तलेजुया पुजारीं कलशयात लुसकुस यासें लाय्कुलिइ दुकाःगु खः ।

लाय्कुलिइ दुचायेकेधुंकाः राष्ट्र प्रमुखं छायाँ दर्शन यानाः प्रसाद काःगु खः । अनं लिपा कल हाकनं हनुमानध्वाखाय् लित यंकूगु खः । चाँगनारायणया कलश येँ हःगु इलय् थाय्थासय् पुजा फफं वःगु खः ।