न्यू जेनिथ स्कुलय् जुनियर अभिभावक दिवस

येँ – थनया ताम्सिपाखाय्च्वंगु न्यू जेनिथ इंग्लिस मोडेल स्कुलय् जुनियर अभिभावक दिवस जुल । ब्वनेकुथिया पिजि कक्षाय् ब्वनीम्ह स्वदँ दुम्ह नच्चाम्ह आयुमि महर्जनं त्वाःदेवाय् मत च्याकाः ज्याझ्वःया उलेज्या याःगु खः । ब्वनेकुथिया प्रधानाध्यापक राजु महर्जनया सभापतित्वय् जूगु ज्याझ्वलय् ब्वनेकुथिया यूकेजिया ६८ म्ह विद्यार्थीपिंत प्यंगू चरण याना दीक्षित याःगु खःसा सकलें अभिभावकपिंत नं हनेज्या याःगु खः ।

ज्याझ्वलय् प्रधानाध्यापक महर्जनं वइगु शैक्षिक दँ २०७६य् ब्वनेकुथियात गुकथं आः स्वयां अझ बांलाक न्ह्याका यंकेगु धइगु बारे कार्ययोजना नं न्ह्यब्वयादीगु खःसा ब्वनेकुथिया २०७४ दँया एसईई परीक्षाय् ताःलाःपिं विद्यार्थीपिंत ससम्मान बिदाई नं याःगु खः ।

सम्बन्धित बुखँ

LEAVE YOUR COMMENTS