यल अन्तर सहकारीया न्याक्वःगु साधारण सभा
यल(नेपालभाषा टाइम्स)÷ यल अन्तर सहकारी समन्वय समितिया न्याक्वःगु साधारणसभा क्वचाल । समितिया कजिलिसें सर्वेश्वर बचत तथा ऋण सहकारी संस्थाया अध्यक्ष नविन महर्जनया सभापतित्वय् साधारण सभा जूगु खः ।
ज्याझ्वलय् केन्द्रीय उपभोक्ता सहकारी संघया लेखा संयोजक अधिवक्ता लक्ष्मण महर्जन व यल जिल्ला सहकारी संघया संचालक समितिया दुजः शान्तालक्ष्मी खड्गीयात हनेज्या नं याःगु खः ।
उगु हे ज्याझ्वलय् यल सहकारी समन्वय समितिया सह संयोजक जुयाच्वनादीम्ह प्रणव श्रेष्ठयात समितिया संयोजकया जिम्मेवारी व तःननि बचत तथा ऋण सहकारीया अष्टलाल महर्जनयात सह संयोजकया जिम्मेवारी बिउगु खः ।
यलया थीथी झिंन्यागू सहकारी संस्था आवद्ध जुयाच्वंगु समितिया साधारण सभाय् ललितपुर जिल्ला बचत तथा ऋण सहकारी संघया अध्यक्ष रामहरि बजगाइँ, यल अन्तर सहकारी समन्वय समितिया निवर्तमान संयोजक रोशनी प्याथ श्रेष्ठ, मां बगलामुखी उपभोक्ता सहकारीया संस्थापक लक्ष्मण महर्जन, कुम्भेश्वर महिला बचत तथा ऋण सहकारीया कोषाध्यक्ष शान्ता लक्ष्मी खड्गी, सेटलमेन्ट बचत तथा ऋण सहकारीया अध्यक्ष प्रणव श्रेष्ठं थःगु नुगःखँ लिसें भिंतुना देछानादीगु खः ।
LEAVE YOUR COMMENTS