वज्रयान महाविहारयात ग्वाहालि

येँ महानगरपालिका वडा नं. २०य् च्वंगु थःथिति पुचः मरुहितिपाखें लुम्बिनीइ वज्रयान महाविहारयात आर्थिक ग्वाहालि लःल्हाःगु दु । पुचःपाखें महाविहारया निंतिं निगू लख सछितका दां लःल्हाःगु खः । अथे हे भाजु न्हुछेरत्न व वय्कःया छेँजःपाखें छगू लख व द्वःछि तका दां लःल्हाःगु दु ।

ज्याथास्थित छुस्याबहालय् वंगु असार २५ गते जूगु ज्याझ्वलय् महाविहारया मू दुजःलिसें आचार्य परिषद्या मू गुरुमां जेनिसा वज्राचार्ययात उगु आर्थिक ग्वाहालि लःल्हाःगु खः ।

सम्बन्धित बुखँ

LEAVE YOUR COMMENTS