आः जग्गा बह्रः तयाः त्यासा काये मंत

येँ -आः जग्गा बह्रः तयाः बैंक व वित्तीय संस्थापाखें त्यासा काये मदइगु जूगु दु । म्हीग सोमवाःनिसें थज्याःगु त्यासा बन्द जूगु खः । कृषि व गैरकृषि क्षेत्र धकाः वर्गीकरण मयाःगु जग्गा मालपोत कार्यालयं रोक्का याये माने मजुइवं जग्गाः बह्रः तयाः त्यासा काये मदइगु जूगु खः ।

भूमि व्यवस्था मन्त्रालयं राष्ट्रिय भूमि आयोग, भूमि व्यवस्था तथा अभिलेख विभाग व नापी विभागयात पौ च्वयाः चार किल्ला खुले यानाः कृषि क्षेत्र निर्धारण मयाःतले जग्गाया ज्या मयायेत निर्देशन बिउगु खः ।

मन्त्रालयया निर्देशनय् धयातःगु दु, ‘स्थानीय भूउपयोग परिषदं भूउपयोग ऐन २०७६ व भूउपयोग नियमावली २०७९ अनुसारया मापदण्ड कथं कृषि क्षेत्र व गैरकृषि क्षेत्र वर्गीकरण यायेमाः, अले जक स्थानीय तहं कित्ताकाटया नितिं सिफारिस यायेमाः ।’ उगु हे निर्देशनया आधारय् मालपोत कार्यालयं वंगु सोमवाःनिसें जग्गा रोक्का यायेत अस्वीकार याःगु खः ।

क्वःछिनातःगु मापदण्ड कथं वर्गीकरण जुइधुंकाः जक बैंक, वित्तीय संस्था नापं सहकारी संस्थापाखें जग्गाया धितो, बन्धक पारित यायेमाःगु खँ नं निर्देशनय् न्ह्यथनातःगु दु । स्थानीय तहपाखें जग्गाया वर्गीकरण मजूतले मालपोत कार्यालयं जग्गा रोक्का याये मिले मजूगु खँ धाःगु दु ।

सम्बन्धित बुखँ

LEAVE YOUR COMMENTS