बालेन्द्र साहं विजय ¥याली पिमकाइगु

येँ – येँ महानगरपालिकाया मेयर पदय् विजयी जुइगु निश्चित जुयादीम्ह बालेन्द्र साहं थः त्यायेधुंकाः विजय जुलुस पिमकायेगु जानकारी बियादीगु दु । चुनाव सिधयेवं त्याः–बू धइगु खँ त्वःता छ्वयेमाः धासें वय्कलं चुनाव न्ह्यः थःपिंसं बियागु बचं पूवंकाः जक उत्सव न्यायेकेगु खँ धयादीगु दु ।

थःपिंसं विजय जुलुस पिकायेबलय् मेपिंसं थः बूगु महसुस याइ धासें अथे मजुइकेगु लागिं छुं कथंया ¥याली पिमकायेगु खँ धयादीगु खः । थःगु विजय जुलुसय् ब्वति काये धकाः वयेगु तयारी यानाच्वंपिं महोत्तरीया थःथितिपिंत नं येँय् मवयेत वय्कलं इनाप यानादीगु दु ।

बालेन्द्र साहं विजय जुलुस पिकायेगु मखु धकाः यानादीगु थ्व घोषणायात सर्वसाधारण मनूतय्सं धाःसा ययेकूगु दु । सामाजिक सञ्जालय् यक्वस्यां उकिया तारिफ यानाः च्वयाहःगु दु ।

सम्बन्धित बुखँ

LEAVE YOUR COMMENTS