जगतसुन्दर ब्वनेकुथिइ यूकेजिया दीक्षान्त

येँ –  नेपालभाषा माध्यमं आखः ब्वंकीगु न्हापांगु ब्वनेकुथि जगतसुन्दर ब्वनेकुथिया किन्डरगार्टेनया दीक्षान्त समारोह म्हीग छगू ज्याझ्वःया दथुइ ब्वनेकुथिइ क्वचाल ।हलिं नेवाः दबूया नायः सिजन श्रेष्ठ मूपाहांकथं झायादीगु ज्याझ्वलय् विशेष पाहांकथं स्वराज फाउन्डेशनया नायः विजयसागर प्रधान व एनओएया किरणकेन रंजित, पाहांकथं ब्वनेकुथिया संचालक संस्थापक भगवती महर्जन, निराज महर्जन व विष्णु चित्रकारपिं झायादीगु खः ।

ज्याझ्वलय् ब्वनेकुथिया किन्डरगार्टेन यूकेजिया भिंmनिम्ह मस्तय्त मूपाहां सिजन श्रेष्ठं दसिपौ बियाः दीक्षित यानादीगु खः । ज्याझ्वः ब्वनेकुथिया संस्थापक दुजः अनाररत्न वज्राचार्यया सभापतित्वय् जूगु खःसा ब्वनेकुथिया प्रिन्सिपल सुनिता मानन्धरं लसकुस यानादीगु खः । ज्याझ्वलय् मस्तय्सं थीथी सांस्कृतिक ज्याझ्वः व नाटक क्यने ज्या नं जूगु खः ।

सम्बन्धित बुखँ

LEAVE YOUR COMMENTS