यलय् चिरिबाबु व मञ्जली शाक्य त्यात

यल (नेपालभाषा टाइम्स)- यल महानगरपालिकाया मेयरय् नेपाली कांग्रेसया चिरिबाबु महर्जन निर्वाचित जुयादीगु दु । अथे हे उपमेयर पदय् नेकपा (एमाले) या मञ्जली शाक्य (आस्था) त्याःगु दु ।

चिरिबाबु महर्जनं ४२७२२ मत हःगु खःसा वय्कःया निकटम प्रतिद्वन्द्वी एमालेया हरिकृष्ण ब्यंजनकारं २४५६० मत हःगु खः । थ्वयां न्ह्यवया स्थानीय चुनावय् नं कांग्रेसया महर्जनं एमालेयात व्यञ्जनकारयात बुकाः हे मेयरय् निर्वाचित जूगु खः ।

उपमेयरय् विजयी जुयादीम्ह एमालेया शाक्यं २५०८४ मत हःगु खः । वय्कःया निकटम प्रतिद्वन्द्वी सत्ता गठबन्धनया उम्मेदवार बाबुराजा वज्राचार्य १८७५२ मत हःगु खः ।

येँया मेयरय् बालेन्द्र साह न्ह्यःने लानाच्वंगु दु । साहं ५१ हजार १६३ मत हःगु दुसा नेपाली कांग्रेसया सिर्जना सिंह ३२ हजार ५९ मत हयाः लिउने लानाच्वंगु दु । उकथं हे उपमेयरय् एमालेया सुनिता डंगोल ५५ हजार ४६९ मत हयाः न्ह्यःने लानाच्वंगु दु ।

मेखे येँया वडा नं. २२ य् एमालेया चिनीकाजी महर्जन त्याःगु दुसा वडा २१ य् एमालेया हे उदय चुडामणि वज्राचार्य त्याःगु दु ।

सम्बन्धित बुखँ

LEAVE YOUR COMMENTS