विजय घोषणा याःगु न्यान्हु लिपा ल्याखाये ल्यंदनिगु मतपेटिका लुइवं…

येँ – महोत्तरीया बर्दिबास नगरपालिकाया वडा नं. ८ य् मतगणना क्वचायेकाः विजयी न्हापं घोषणा याःगु न्यान्हु लिपा ल्याखाये ल्यंदनिगु छगः मतपेटिका लुयावःगु दु । थुगु मतपेटिकाया मत गणना याःबलय् निम्ह प्रतिस्पर्धी दथुइ बराबर मत वयेवं समस्या ब्वलंगु दु ।

न्यान्हु न्ह्यः मुक्कं ७ भोटं माओवादी उम्मेदवार शम्शेर लामा त्याःगु घोषणा यायेधुंकूगु खः । तर म्हिगः मतगणना स्थलय् खाली मतपेटिका मुनाच्वंगु इलय् छगः ल्याखाये ल्यंदनिगु मतपेटिका लूगु खः । उगु मतपेटिका वडा नं. ८या जुइवं सर्वदलीय बैठक च्वनाः उगु मतपेटिका ल्याखायेगु क्वःछिउगु खः । उगु मतपेटिकाय् च्वंगु ६४ कू मत गणना याःबलय् एमालेया उम्मेदवार रुद्र मगर व माओवादी उम्मेदवार लामाया मत समान ७७७/७७७ मत जूवःगु खः ।

न्हापा लामायात ७५१ मत वयाच्वंगु खःसा मगरयात ७४४ मत वयाच्वंगु खः । लुइकूगु मतपेटिकाया मतगणना याःबलय् लामायात १६ व मगरयात २३ मत वयेवं मत बराबर जूगु खः । निम्हेसितं मत बराबर वयेवं आः हाकनं मतगणना यायेगु कि गोलाप्रथा यायेगु धयागु बारे विवाद जुयाच्वंगु खँ धाःगु दु ।

सम्बन्धित बुखँ

LEAVE YOUR COMMENTS